السلام عليكم ورحمة الله وبركاته
أولا أحب أقول لكل أعضاء المنتدى كل سنة وأنتم طيبين
تاني حاجة بقى بالنسبة لموضوعي هو أكيد كل حد فينا أتعرضله وشافه قبل كدة
بمعنى تاني مش جديد عليكم .........بس والله نابع من قلبي
وبتمنى ان شاء الله يكون للقلب
" الحب أقوال أم أفعال؟ "
سؤال
بيدور في بالي سنين وبتزيد حيرتي في الإجابة علي لما بكون جوة علاقة
عاطفية ................ودايما بحس إن إجابات الناس اللي حواليا كلها عكس
اللي أنا مقتنع بيه!!!!
معقول الناس مش فاهمين الحب على حقيقتة وأنا الوحيد اللي فاهمهi صح؟!!!!!!!
ولا أنا مجرد إنسان شاذ عن المجتمع بطريقة تفكيري وقناعاتي الشخصية؟!!!!!!!
هل فعلا الحب مجرد كلام؟ حروف لا أكثر ولا أقل؟ أقرب ماتكون هي إلى المجاملات؟
أم هو أفعـــــــال؟
هل
لما أكون قاعدة مع البني ادم اللي بحبه وبنتكلم ونهزر مع بعض....وبمجرد
أني لمحت ابتسامة مرسومة على شفايفه الدنيا ما سعتنيش من الفرحة.....هل يا
ترى ده مالوش اي معنى؟
هل لو غلط فيا في يوم عذرته............حتى لو مكنش ليه عذر.........ده مالوش معنى؟
لو
مرة تعب فيها ودخل المستشفى وسهرت طول الليل جمبه وانا بهتم بيه
وبراعيه.......وعاملة نفسي نايمة جنبه علشان ضميرة مش يأنبه وأنا في
الحقيقية مغمضليش جفن من خوفي عليه ومامته اللي هيا مامته نايمة
جنبه.........ده مالوش معنى؟
لو في يوم من الأيام واحنا وسط ناس كتييير ومن غير أي مقدمات قولتله ربنا يخليك ليا.........ده مالوش معنى؟
معقولة كل الحاجات دي مالهاش معنى؟معقول تكون مجرد لحظات بتعدي علينا والسلام؟
تفتكروا إن كلمة "أحبك" أغلى من كل اللي حاجات اللي قولتها دي؟
والمشكلة
اللي للأسف دايما بقع فيها إن الناس كلها عايزة تسمع كلام كلام كلام كلام
مش بيدوروا على الفعل ولا بيسئلوا نفسهم أنا عملت كدة ليه.... منا عملت
كدة عشان أكيد بحبهم .... وكلمة بحبهم عل اللي بعمله قليلة أوي
لما حد ييجي ويقولي "بحبك" مستني مني إني كمان أقوله "بحبك" من غير ما كون حاسة بيها
ولما ييجي يقولي "وحشتيني" مستني مني أني كمان أقوله " وأنت كمان وحشتني" وأنت كمان بس بتضايقه أوي ياااااااااااه كإني جرحته
والمشكلة اللي فيا واللي أنا بجد معترفة بإنها مشكلة أني مبعرفش أعبر عن اللي جوايا بكلام
لما حد يجي يقولي كلمة كويسة بحس أن لساني بيتربط مبعرفش أتكلم مع إني في الحقيقة مش كدة خالص
ممكن أكتبها في مسج أو أيميل لكن اقولها بلساني صعب عليا أوي
واللي
بيضايقني أكتر إني فاكر بكدة مش بحبه ..... مش بحبه ليه عشان مسمعتوش
كلمة"بحبك" لكن كل اللي أنا بعمله عشانه وكل القرف اللي استحملته عشانه ده
أنا بعمله كدة......لله ثم للوطن
لكن عشان اثبتله حبي بجد .... يبقى لازم اقعد أكتب فيه اشعار وأغني له أغاني
أنا والله الاعظيم عمري في حياتي ماجيت على نفسي عشان خاطر حد
والبني ادم هو اللي علمني اعمل كدة....... لما جيت على نفسي كتير أوي عشانه......وفي الأخر قاللي إنتي محبتنيش!!!!!!!!!!!
إقنعوني بالله عليكم أنا تعبت من التفكير والله واسفة على الإطالة